點至係好嘅汽車音響

長文....想省略可以睇最尾

我哋嘅音響，都係聲音嘅重播系統，亦即係我哋聽到嘅都唔係現場，而是對來自現場的演奏、歌唱音樂的重播。

定位 - 就係當我哋可以明確地睇到同聽到各種樂器喺邊個位置，喺邊度發出聲音，呢啲能靠我哋眼睛同耳朵判斷出來嘅，就係定位。顧名思義，定位感就係將位置「定喺嗰度」。聚焦唔準定位感就差，結像力唔夠定位感就唔得，器材嘅相位一致性不夠都會導致定位嘅飄移；甚至空間中直接音同反射音嘅比例唔好（一般係指高頻反射太強）都會導致定位唔準。例如：如果有散光但無戴眼鏡，都是定位感不好嘅具體表現。總而言之，定位感唔好可能由不同原因造成，不過無論是點樣形成，我哋都係要樂器或人聲要浮凸而清楚的「定」喺一個位置。

結像力 - 就係將虛無飄渺嘅音像凝結成實體嘅能力，亦即係將人聲或樂器嘅形體展現出立體感嘅能力。結像力好嘅音響器材會讓音像更浮凸，更有立體感。亦即係音像輪廓嘅陰影更清楚。

當我們唔喺現場，而係通過檔案同埋音響嚟聽音樂時，我哋就會講，好嘅喇叭發出嘅聲音應該能夠比我哋感覺到：聲音紮實、輪廓清晰。亦即係聽音響猶如喺現場，讓我哋唔靠眼睛，直接靠耳朵就感受到各種樂器、人聲嘅位置、層次感、佢哋嘅具體形狀等等。咁樣嘅聲音，唔係虛無飄渺嘅，而是立體嘅，現實嘅，幾乎真實咁存在面前嘅，亦即是結像力夠高。所以：結像力就係喇叭將虛無飄渺嘅音像凝結成實體嘅能力。

對於音響器材嚟講，「結像"最起碼、最基本嘅要求，就是能做到穩定嘅、清晰嘅結像，唔能夠飄忽、虛散、模糊，呢啲必須要具備嘅。所以結像力喺音響器材嘅挑選上都係個好重要嘅考量要素。點樣至能夠具備結像能力，要提高結像力並唔容易，因為車內環境限制好大。

舒緩感 - 可以話係瞬時反應、速度感、強弱對比嘅另一面。佢令您聽起音樂嚟好活潑，唔會死氣沉沉。咁就係音樂好聽與否嘅一個重要因素，就好似一個卓越嘅指揮家能夠將音樂指揮得充滿生氣。

解析力 - 對於音樂重播嚟講，"解析力"是指音樂裡面嘅有效信息得到更多嘅保留。研究過相機就都知道鏡頭解析力好壞的差距；睇電視亦都知道自己的電視能將一片黑色嘅頭髮解析得絲毫不混就是解析力好嘅表現。好嘅音響器材，就算再細微、再複雜嘅都能清楚咁表達出來，就係解析力。

如果細微嘅變化 （低電平時）都能夠表現得好清楚，咁呢套器材解析力當然係好。既然有低電平時嘅解析力，咁有沒有高電平時嘅解析力呢？係有嘅！喺極端爆棚時能夠將所有嘢解析得很清楚，咁就係高電平嘅解析力。

將細節同暗部層次清楚表達都係解析力產生嘅結果，就好似空間感都可合併入音場嚟講一樣。但係解析力並唔能夠代表所有嘅細節再生同埋層次感。例如由前往後一排排嘅層次感就唔係全部由解析力造成嘅；另外如果真係將層次感併入解析力，咁就無法對單項嘅名詞做明確的解釋。

速度感 - 亦即係瞬時反應嘅結果，亦即是器材上升時間同迴轉率嘅具體表現。基本上，呢兩個名詞都係指器材各項反應嘅快慢而言。

透明感 - 可以理解為不被一切唔屬於發聲體干擾嘅名詞。有啲器材聽起嚟清澈無比，有啲就好似罩上一層霧咁，只要係有不斷升級器材經驗嘅車友一定就有呢個感覺。透明感係高端音響裡面好重要嘅一個環節，因為如果透明感唔夠的話，連帶聲音亦會影響對其餘各項聲音嘅判定。最好嘅透明感係柔和嘅，聽起嚟耳朵唔會感到疲勞同埋有負擔；較差嘅透明感好似係中午嘅陽光，雖然睇得清楚，但很傷神。大部份嘅音響器材無法達到既清楚又柔和嘅透明程度，而只能單單表現清楚而已。如果能夠達到清楚又不加味精嘅柔和，咁好肯定嘅係：呢套器材嘅整體價值係唔低嘅。

層次感 - 係指樂器同埋歌手由前往後一排排嘅間隔距離能唔能夠清楚再生。樂團演奏排列有序就係要有好嘅層次感。再者，我哋要聽到樂器與樂器之間嘅空間，有咁樣嘅重放表現，至能夠有最好嘅層次感。

指向性 - 喇叭對唔同方向上嘅輻射，佢嘅聲壓頻率特性係唔同嘅，呢種特性稱為揚聲器嘅指向性。喺普通高保真聽音室裡面，唔希望揚聲器嘅指向性太尖銳，否則容易造成最佳聆聽空間位置過於狹小。指向性指標同揚聲器嘅口徑有關，口徑大嘅時候指向性尖，口徑細嘅時候指向性寬。指向性仲同埋頻率有關，一般嚟講，對250Hz以下嘅低頻信號，係無明顯嘅指向性。對1.5kHz以下嘅高頻信號則有明顯嘅指向性。某啲喇叭喺唔同方向上排列幾個高音單元，就係為咗改善指向性。喇叭紙盆嘅深淺都會影響指向性，紙盆深者高頻指向性就尖銳。

打個比如，可以通過喇叭嘅位置嚟提高人聲結像力，喇叭放喺車頭上。帶高精度延時、31段GEQ、幾段PEQ嘅主機或者解碼器，再加上喇叭安裝嘅位置、指向、工藝過關了，可以完美模擬出車主想要嘅結像效果。

不過，空間感由於兩邊喇叭相距太近，能模擬出嘅聲場闊度、深度都唔會太大，闊度和縱深能夠做到喇叭等量距離，咁就已經算不錯嘞，咁係㗎車嘅環境同埋目前技術仲未有辦法突破嘅。但都唔使失望，因為，汽車音響嘅嗰種包圍感仲係好強、好濃厚嘅。

汽車音響嘅使用環境要比家庭音響差得多，要求汽車音響器材對溫度、濕度同避震效果要有更好嘅適應能力。汽車裡面嘅高溫對器材嘅影響非常大，好嘅散熱都要注意嘅，貴嘅避震設計都係一般消費者所不能理解嘅問題。

汽車裡面各種嘅干擾同樣要比家庭音響大好多，例如電磁嘅干擾，喺家庭音響係唔存在嘅問題，但喺汽車音響就是常見嘅問題。最簡單嘅現象就是當一架車停放嘅時候聽音響，引擎無開，效果仲係唔錯嘅，但架車喺行駛中嘅時候，就會發現效果即刻變差。最好嘅辦法就是為汽車做隔音，隔音可以降低各種噪聲，同時仲可以令喇叭播放出更好嘅效果。

汽車音響嘅喇叭同家庭用嘅係唔同嘅，家庭音響嘅喇叭單元係安裝喺木質喇叭上嘅，而汽車音響嘅喇叭是裝在門板上嘅，要想令汽車音響嘅喇叭有更好嘅表現，喺安裝上就要更加注意。

喇叭安裝嘅位置、角度係汽車音響最大嘅問題之一。車裡面嘅空間非常細，無得好似喺屋企咁。要保證聽嗰個有好嘅聲場嚟欣賞音樂，仲要注意聽嗰個嘅位置，因為汽車裡面聽音位無法好似家庭中咁樣，可以坐喺中間位聽，仲可以擺放喇叭位置來調整角度同埋距離。咁就造成兩邊喇叭距離聽音人嘅距離相差好大，產生聲像偏差，所以要令汽車內嘅音響有好聽嘅效果，就要對汽車裡面各個喇叭嘅安裝位置、角度做細緻嘅調整，令聽者有正確聽音嘅聲像。要達到咁樣嘅效果，在正規汽車音響系統當中需要有前級的DSP解碼器，來進行精準的調試。

稍稍講完音響同汽車音響，其實仲有好多好深嘅理論。不過可以肯定係從車機到功放、喇叭，再由安裝位置到手功，全部係一環扣一環，缺一不可。

TFCC唔敢講係全世界最好嘅，但很肯定係一間性價比極高，極有心做好嘅一個香港品牌。唔怕你比較，最怕你唔比較。開放曬所有真實產品資料同價錢，唔會鬼鬼祟祟，貨堅價實，仲歡迎隨時預約試聽，框線大部份車型現貨供應，滿意至裝，呢啲至係一個貼心合意嘅服務。

#2021車機推薦 #推薦十大汽車導航 #推薦汽車音響2021 #人氣車機推薦 #車機推薦香港 #汽車音響推薦